ဖေဖေါ်ဝါရီဆယ့်သုံးမှာ
ဗိုလ်ချုပ်မွေးနေ့ပါ။
ထောင့်ကိုးရာတစ်ဆယ့်ငါး ရှေ့နေဦးဖါသား။
ဇာတိနတ်မောက် မကွေးခရိုင်
သိကြများခုတိုင်။
ကြံ့ကြံ့ခိုင်တဲ့ဇာနည်ဖွား
မိခင်ဒေါ်စုသား။
ထောင့်ကိုးရာလေးဆယ့်ခွန် ပြောင်းကြွတမလွန်။
မျက်ရည်သွန်လို့ ဘ၀င်ညှိုး
ဇူလိုင် တစ်ဆယ့်ကိုး။
ပြည်ထောင်စုရဲ့ကျေးဇူးရှင်
ဗိုလ်ချုပ်တို့ဖခင်။
ကောင်းစေချင်တဲ့မှာစကား
ငါတို့မမေ့အား..။
ငယ်စဉ်အရွယ် ကလေးဘ၀ထဲက အလွတ်ရလာတဲ့ ကဗျာ တစ်ပုဒ်..
မြန်မာ့သမိုင်းဝင် ခေါင်းဆောင်ကြီး ဗိုလ်ချုပ်အောင်ဆန်း ကို ဂုဏ်ပြုစပ်ဆိုထားတဲ့ ကဗျာ တစ်ပုဒ်..
ဘယ်ခေတ် ဘယ်အခြေအနေပဲရောက်ရောက်ပါလေ..
မြန်မာဆိုပြီးရှိနေသမျှ အောင်ဆန်းဆိုတာ လည်းတည်နေမှာပါ..ဘယ်တော့မှ မေ့ပြောက်လို့မရတဲ့ သမိုင်းတစ်ခု..
ဒီနေ့ က ပြည်ထောင်စုနေ..နောက် မနက်ဖြန်က ဗိုလ်ချုပ်မွေးနေ့...နောက်တစ်ရက်ကျတော့ ချစ်သူများနေ့..
ဗိုလ်ချုပ်မွေးနေမှာ ဗိုလ်ချုပ်အုတ်ဂူ ပန်းစည်းတစ်ခတ် ရောက်ချင်မှ ရောက်လိမ့်မယ်..
နောက်တစ်ရက်မှာတော့ ...........
တရားပါပေ့..တရားပါပေ့...
သူအနစ်နာခံခဲ့တာကြောင့် ငါတို့ လူဖြစ်နေရ ဒီကာလမှာ မြန်မာ ဟေ့ ဆိုပြီး ကမ္ဘာအလည်မှာ ဂုဏ်ဝင့်နိုင်တာမလား..
သူစွန့်လွတ်ခဲ့မူတွေကိုတော့ ပြော၍ ကုန်မည်မထင်..ဒါပေမယ့်..ဒါပေမယ့်..
ဖေဖေ ဖေဖေနဲ့ သာလူတိုင်းက ပြောနေပြီး သူမွေးနေ့မှာ ဘာကောင်းမူတစ်ခု လုပ်ပေးကြသလည်း..
ကဲ..ကဲ..
အမှတ်တရ ဘာလုပ်ကြမှာလည်း ကြည့်ချင်စမ်းပါဘိ.....
မဝေးကွာသေးတဲ့ သမိုင်းမှာတောင်မှ ဒီလောက်ဖြစ်နေရင်..နောင်...နောင်..နှစ်လေးငါးဆယ်မှာ ဆိုရင်ဖြင့်..
မတွေး ၀ံ့ စရာပဲ..အောင်ဆန်းဆိုတာတောင် ကြားဘူးတော့ မှာမဟုတ်တော့ဘူး..နော်...
0 comments:
Post a Comment