ဝဋ်ကြွေး

 

ဒီနေ့ ဒီနှစ်

ဒီအချိန် ဒီလို 

ကျွန်တော် ကျရှုံးခဲ့တယ်

ဘာအရာင်မှ မခြယ်ပါနဲ့တော့

ရဲရင့်စွာပြောပါရစေ...

အလွမ်းနာကို အလွမ်းနာလို့

ဘာအရောင်မှ နောက်ခံမထား

ပြောခဲ့ပါရစေ...။

ဘယ်သူက ဘယ်သူ့ကို 

ပိုလွမ်းခဲ့ပါသလဲ

လူသားတွေ

ရှုပ်ယှက်ခတ်အောင် သိပ်တွေးကြတယ်

လိုလို့လား

မာနတွေနဲ့ ကျွန်တော့ချစ်သူ

သူ... ပျော်နေပါသလား။

ည..ည

ဘယ်ကိုလှိမ့်တယ်

ညာကို ကန်ထုတ်

ကျွန်တော်

အိပ်မက်ကို ခါချတယ်

ရင်ဘတ်ထဲ ပြန်ပြန်ခိုကပ်နေလို့

ညတွေ ကျွန်တော် ဇောက်ထိုးဖြစ်ဖူးတယ်။

ရင်ဘတ်ထဲက 

အလွမ်းကို ခါခါထုတ်တော့

အမြစ်ကျန်တဲ့

တမ်းတနာက

တစ်ဆစ်ဆစ်  ကိုက်တယ်...။

သက်ပြင်းချတယ်

ဘယ်ကိုလှိမ့်

ညာကိုကန်

အိပ်မက်ကိုခါချ

ကျွန်တော့ခေါင်းရင်းက

ချစ်သူအတွက် ကြိုးကြာငှက်တွေက

တိမ်ဖွဲ့ပြီး ပြန်နေကြ...။

စိတ်ရဲ့ ပရမ်းပတာ လွင့်မျောမှုမှာ
အတိတ်ကာလတွေက
တပ်မက်မှုတွေ ခါးတစ်ခွင်ခွင်ပြီး
ပိုသီဖတ်သီ ပြေးဝင်ဝင်လာတယ် ။

ခွင့်ပြုတော့ ချစ်သူ..

ဒါကို  

ဝဋ်ကြွေးလို့ ကျွန်တော်ဆိုချင်တယ်။ 


ချစ်တဲ့
ကိုယ်